काठमाडौँ । नेकपा एमाले र काँग्रेसको नयाँ सत्ता समीकरणमा एमालेका तर्फबाट बिष्णु पौडेल अर्थमन्त्री बन्ने निश्चित भएको छ । नयाँ सरकारमा एमाले र काँग्रेसबाट एक एकजना उपप्रधानमन्त्री रहने भन्ने प्रारम्भीक सहमति अनुसार पौडेल उपप्रधानसहित अर्थमन्त्री हुने निश्चितप्राय देखिएको हो ।
एमाले काँग्रेसको नयाँ सरकारमा गृहमन्त्रीमा काँग्रेसले दाबी गरिरहेको चर्चा चलिरहेको बेला अर्थ एमालेको भागमा पर्ने निश्चित देखिएको राजनीतिक विश्लेषकहरुको दाबी छ ।
यता पूर्वप्रधानमन्त्री प्रचण्ड पदमुक्त भएलगत्तै एमाले अध्यक्ष केपी शर्मा ओलीले शुक्रबार नै राष्ट्रपतिसमक्ष प्रधानमन्त्रीको दाबी पेश गरिसकेका छन् । सोही अनुसार ओली आइतबार नै प्रधानमन्त्रीमा नियुक्त हुनेछन् । तर, शपथ ग्रहण भने सोमबार (भोली) हुनेछ । शपथ ग्रहणको समय सोमबार बिहान ११ बजेका लागि तोकिएको राष्ट्रपति कार्यालयले जनाएको छ ।
प्रधानमन्त्रीका रुपमा ओलीको सपथ ग्रहण लगत्तै सोमबार नै अन्य केही मन्त्रीहरुको पनि सथप ग्रहण गराउने तयारी गरिएको छ । जसमध्ये एमालेका तर्फबाट बिष्णु पौडेल र काँग्रेसका तर्फबाट रमेश लेखकले मन्त्रीको सपथ ग्रहण गर्ने तयारी रहेको स्रोतको दाबी छ । अन्य मन्त्रीहरुको विषयमा भने शीर्ष नेताबीच छलफल चलिरहेको छ ।
