काठमाडौँ । मंगलबार राती परेको अविरल वर्षापछि काठमाडौँको कुलेश्वरस्थित व्यापार सङ्घ चोक डुबानमा परेको छ । वर्षापछि बागमती नदीमा आएको बाढी बस्तीतिर छिरेपछि र बस्तीमा जम्मा भएको पानीले निकास नपाएपछि कुलेश्वर क्षेत्र डुबानमा परेको हो ।
व्यापार संघ चोकमा अधिकांश सटर तथा घरहरुमा व्यापारिक गोदाम रहेका छन् । अविरल वर्षापछि भएको डुबानले ती गोदामहरु जलमग्न भएका छन् ।
गोदामभित्रै पानी पसेपछि चामल, चिनी, चिउरा लगायतका खाद्यान्न पानीले भिजेका छन् । अधिकांश गोदाममा पानी पसेपछि लाखौँको क्षति भएको व्यापारीहरु बताउँछन् । हाल स्थानीयहरु गोदामभित्र छिरेको पानी फाल्ने तथा थप क्षति हुन नदिन सामान सार्ने काममा व्यस्त छन् ।
अविरल वर्षाका कारण कुलेश्वरसँगै टेकु, कालीमाटी तथा बागमती, मनोहरा नदी किनारका बस्ती डुबानमा परेका छन् । बाँकी फोटो फिचरमा हेर्नुहोस्ः
