काठमाडौँ । नेकपा एमालेका अध्यक्ष केपी शर्मा ओली चौथो पटक प्रधानमन्त्रीमा नियुक्त भएका छन् । आइतबार राष्ट्रपति रामचन्द्र पौडेलले ओलीलाई प्रधानमन्त्री पदमा नियुक्त गरेका हुन् । 

प्रधानमन्त्रीमा नियुक्त भएको ओलीको सपथ ग्रहण भने सोमबार बिहान ११ बजे हुने राष्ट्रपति कार्यालयले जनाएको छ । 

प्रचण्ड नेतृत्वको सरकार ढलेसँगै काँग्रेस, जसपा, जसपा नेपाल, लोसपा र नागरिक उन्मुक्ति पार्टीको समर्थनमा ओलीले राष्ट्रपतिसमक्ष प्रधानमन्त्रीमा दाबी पेश गरेका थिए । सोही अनुसार ओलीलाई राष्ट्रपति पौडेलले संविधानको धारा ७६ (२) अनुसार प्रधानमन्त्रीमा नियुक्त गरेका हुन् । 

एमाले काँग्रेसको नयाँ सत्ता समीकरणमा कसलाई के मन्त्री बनाउने भन्ने विषयमा भने शीर्ष नेताहरुबीच छलफल चलिरहेको छ ।