">
काठमाडौं । साताको कारोबारको अन्तिम दिन बिहीबार सेयर बजार मापक नेप्से परिसूचक बढेको छ । बुधबारको तुलनामा नेप्से परिसूचक १५.४६ अंकले बढेर २११९.६९ बिन्दुमा पुगेको हो ।
नेप्सेमा कुल ३ सय १३ कम्पनीको २ करोड २१ लाख ६७ हजार ६ सय ७८ कित्ता सेयर खरिदबिक्री हुँदा ६ अर्ब ४८ करोडमाथिको सेयर कारोबार भएको छ ।
आज सबैभन्दा बढी कारोबार एनआरएन इन्फ्रास्ट्रकचर एण्ड डेभलपमेन्टको भएको छ। यस कम्पनीको ३० करोड ९ लाख ४ हजार ६ सय ९४ रुपैयाँ बराबरको सेयर कारोबार भएको छ ।
बिहीबारको सेयर बजारमा सबैभन्दा बढी नाफा अन्खु खोला जल विद्युत कम्पनीका लगानीकर्ताले कमाएका छन् । यस कम्पनीको सेयर मुल्यमा पोजेटिभ सर्किट लागेको हो।
यसैगरी आज दोर्दी खोला जल विद्युत कम्पनीका लगानीकर्ताले सबैभन्दा धेरै गुमाएका छन् । यस कम्पनीको सेयर मुल्य ४ प्रतिशत भन्दा धेरैले घटेको हो।
