काठमाडौँ । १४ ब्रोकर कम्पनी निलम्बनमा परेका छन् । नेपाल स्टक एक्सचेञ्ज (नेप्से)ले बिहीबार कारोबार समयमै १४ ब्रोकर कम्पनीलाई निलम्बन गरेको हो ।
निलम्बनमा पर्नेमा ब्रोकर नम्बर ३, ५, ८, २९, ३२, ३४, ३५, ४१, ४४, ४५, ५१, ६५, ६८ र ६९ रहेका छन् ।
नेप्सेबाट स्वीकृत लिमिट सकिएपछि नेप्सेले यी ब्रोकर कम्पनीहरुलाई कारोबार समयमै कारबाही गर्दै निलम्बन गरेको हो । नेप्सेले ब्रोकर कम्पनीलाई कारोबार समयमै निलम्बन गरेपछि लगानीकर्ताका मर्कामा परेका छन् ।
ब्रोकर कम्पनीहरुले आफ्नो लिमिटको व्यवस्थापन गर्न नसकेपछि नेप्सेको कारबाहीमा पर्दा सेयर लगानीकर्ताहरु सेयर किनबेच गर्नबाट समेत बञ्चित भएका छन् ।
