काठमाडौँ । नेपाल राष्ट्र बैंकको प्रवक्ताको जिम्मेवारी रामु पौडेललाई दिइएको छ । साउन १४ गतेदेखि लागु हुनेगरी राष्ट्र बैंकको बैंक सुपरीवेक्षण विभागका कार्यकारी निर्देशक पौडेललाई प्रवक्ताको जिम्मेवारी दिइएको हो ।
योसँगै यसअघि राष्ट्र बैंकको प्रवक्ता रहेका भुक्तानी प्रणाली विभागका कार्यकारी निर्देशक डा.गुणाकर भट्टलाई आर्थिक अनुसन्धान विभागमा सरुवा गरिएको छ ।
आर्थिक अनुसन्धान विभागका कार्यकारी निर्देशक डा.प्रकाशकुमार श्रेष्ठ राष्ट्रिय योजना आयोगको सदस्य नियुक्त भएसँगै उनलाई काजमा पठाउनुपर्ने भएपछि आर्थिक अनुसन्धान विभागको जिम्मा भट्टलाई दिइएको हो ।
हाल श्रेष्ठको दरबन्दी भुक्तानी प्रणाली विभागमा कायम गरिएको छ ।
