">
काठमाडौं । कुमारी बैंकमा कुमारीपाटी शाखामा कार्यरत कर्मचारी तृप्ती राणा पक्राउ परेकी छन् । विदेशमा रहेका आफ्ना आफन्तलाई पैसा पठाउने नाममा हुण्डीको कारोबार गरेको आरोपमा उनलाई प्रहरीले पक्राउ गरेको हो ।
काठमाडौं प्रहरीका एसपी नवराज अधिकारीका अनुसार राणाले बैंकमा पटक पटक ठूलो रकम जम्मा गर्ने र झिक्ने गरेको देखिएको भन्दै बैंकले तयार गरेको प्रतिवेदनका आधारमा उनी विरुद्ध बैंकले नै उजुरी गरेको थियो ।
केहि कुरा बुझ्नुछ भन्दै उनको कार्यालयमा पुगेका प्रहरीले उनलाई उनकै गाडीमा थापाथली ल्याएको थियो । त्यसपछि प्रहरीले उनलाई पक्राउ पुर्जी थमाएको थियो ।
जिल्ला अदालत काठमाडौंबाट सात दिनको म्याद थप गरेर उनीविरुद्ध थप अनुसन्धान थालिएको प्रहरीले जनाएको छ ।
उनी कुमारी बैंकको युनियनकि नेतासमेत हुन् ।
