काठमाडौं । साताको कारोबारको चौथो दिन बुधबार सेयर बजारमा करेक्सन देखिएको छ । मंगलबारको तुलनामा नेप्से परिसूचक २७.३२ अंकले घटेर २५३६.११ बिन्दुमा पुगेको हो ।
नेप्सेमा कुल ३ सय ११ कम्पनीको ४ करोड ७ लाख ४७ हजार २ सय २६ कित्ता सेयर खरिदबिक्री हुँदा १६ अर्बमाथिको सेयर कारोबार भएको छ ।
बुधबार सबैभन्दा बढी कारोबार हिमालयन रिइन्स्योरेन्सको भएको छ । यस कम्पनीको ३६ करोड ७ लाख ४६ हजार ४ सय ५२ रुपैयाँ ३० पैसा बराबरको सेयर कारोबार भएको छ ।
आजको बजारमा सबैभन्दा बढी नाफा बोटलर्स नेपाल ९बालाजु० लिमिटेडका लगानीकर्ताले कमाएका छन् । यस कम्पनीको सेयर मूल्यमा पोजेटिभ सर्किट लागेको छ ।
यसैगरी आज चिरख्वा हाइड्रोपावरका लगानीकर्ताले सबैभन्दा धेरै गुमाएका छन् । यस कम्पनीको सेयर मूल्य ७ प्रतिशत भन्दा धेरैले घटेको हो ।
