काठमाडौं । नेपाल उद्योग वाणिज्य महासंघ (एफएनसीसीआई) ले नेपाल धितोपत्र बोर्डको सञ्चालक सदस्यबाट सुरकृष्ण बैधलाई फिर्ता बोलाएको छ भने पूर्व आर्थिक पत्रकारसमेत रहेका महासंघका महानिर्देशक गोकर्ण अवस्थीलाई संचालक सिफारिस गरेको छ ।

महासंघका अध्यक्ष चन्द्र ढकाले गत शुक्रबार महानिर्देशक अवस्थीलाई बोर्ड सञ्चालकमा सिफारिस गरेका हुन् ।

अवस्थी महासंघका तर्फबाट धितोपत्र बोर्डको संचालक हुने अन्तिम प्रतिनिधि हुने सम्भावना बढी छ । सरकारले नेपाल उद्योग वाणिज्य महासंघका प्रतिनिधि सदस्य बोर्डमा रहने व्यवस्था हटाउन लागेको छ भने महासंघले यहि बेला अवस्थीलाई बोर्ड पठाएको छ ।

अवस्थी पुराना र कहलिएका आर्थिक पत्रकार हुन् । आर्थिक पत्रकारितामा धेरैका आदर्श पात्र अवस्थी लामो समय कान्तिपुरमा आवद्ध थिए ।