काठमाडौँ । काठमाडौँ उपत्यकामा हरेक वर्ष गाईजात्रा विशेष हुनेगर्छ । दिवङ्गत आत्मालाई वैतरणी तर्न सजिलो होस् भनेर विशेषगरी नेवार समुदायले गाईलाई नगर परिक्रमा गराउँदै यो पर्व मनाउने गर्दछन् ।
काठमाडौँ उपत्यकामा नेवार समुदायको बाहुल्यता बढि भएकाले पनि काठमाडौँमा गाईजात्रा पर्व विशेष रुपमा मनाइन्छ ।
गाईजात्रा पर्वकै अवसरमा मंगलबार (आज) काठमाडौँको बसन्तपुर र हनुमानढोका क्षेत्रमा पनि पर्वको खास रौनक देखिएको छ । यस पर्वमा बालबालिकालाई गाईको नक्कल गर्न लगाएर नगर परिक्रमा गर्न लगाउने परम्परा अनुसार बालबालिकाहरुलाई विभिन्न पोशाकमा श्रृङगार गरेर गाईको नक्कल गर्न लगाइँदैछ ।
मंगलबार बिहान बसन्तपुर र हनुमानढोका क्षेत्रमा बालबालिकालाई कसैले गाईको मुकुट लगाइदिएका छन् भने कसैले बालबालिकालाई जोगीको भेष वा अनौठो भेषभुषामा उतारेका छन् । बाँकी फोटो फिचरमा हेर्नुहोस्ः
