काठमाडौँ । भारतीय अर्वपतिको पछिल्लो सूची सार्वजनिक भएको छ । हारुन रिच लिस्टमा सार्वजनिक भएका कुल ३३४ अर्वपतिको सूचीमा अडानी ग्रुपका अध्यक्ष गौतम अडानी पहिलो स्थानमा छन् भने दोश्रो स्थानमा रिलायन्स इन्डस्ट्रिजका मालिक मुकेश अम्बानी छन् ।
भारतीय संचारमाध्यम इकोनोमिक टाइम्सका अनुसार हारुन भारतले कुल १ हजार ५३९ जना अति धनी व्यक्तिहरूको पहिचान गरेर सूची सार्वजनिक गरेको हो । हारुनले सार्वजनिक गरेको प्रतिवेदनमा भारतमा गत वर्ष हरेक ५ दिनमा एक नयाँ अर्बपति बन्न सफल भएको उल्लेख छ, जसलाई भारतको आर्थिक स्थितिको प्रगतिका रुपमा पनि विश्लेषण गरिएको छ ।
यता चीनमा भने अर्वपतिहरुको संख्या २५ प्रतिशतले घटेको इकोनोमिक टाइम्सले जनाएको छ । चीनमा अर्वपतिहरुको संख्या ह्वात्तै घट्दा भारतमा भने अर्वपतिको संख्या २९ प्रतिशतले बढेको पाइएको छ ।
