काठमाडौँ । अमेरिकाको सार्वजनिक ऋण साढे तीन सय खर्ब डलरभन्दा माथि पुगेको छ । अमेरिकाको संघीय वित्त मन्त्रालयले सार्वजनिक गरेको तथ्यांकअनुसार अमेरिकाको सार्वजनिक ऋण तीन सय ५० खर्ब डलरभन्दा माथि पुगेको हो ।
सन् २०२३ डिसेम्बरको अन्त्यमा अमेरिकाको सार्वजनिक ऋण तीन सय ४० खर्ब डलर नाघेको थियो । सन् २०२३ सेप्टेम्बरसम्म अमेरिकाको सार्वजनिक ऋण तीन सय ३० खर्ब डलर थियो ।
अमेरिकाको ऋण पहिलोपटक तीन सय खर्ब डलर पुगेपछि अमेरिकाको संघीय बजेट समितिका अध्यक्ष माया म्याकगुइनेसले अमेरिकामा अहिलेको सरकारले ऋण थुपार्ने मात्रै काम गरेर लापरबाही गरेको र यसले निकट भविष्यमा यसले खतराको घण्टी बज्ने भन्दै चेतावनीसमेत दिएका छन् ।
अमेरिकाको सार्वजनिक ऋणअनुसार हाल अमेरिकाको जनसंख्यालाई भाग लगाउँदा एक व्यक्तिको भागमा १ लाख ३ हजार ९ सय ४५ डलर हुन जान्छ ।
