काठमाडौँ । साताको कारोबारको अन्तिम दिन बिहीबार सेयर बजार मापक नेप्से परिसूचक बढेको छ । आज नेप्से परिसूचक ६.०१ अंकले बढेर २९७४.४६ बिन्दुमा पुगेको हो ।

नेप्सेमा कुल ३ सय ३३ कम्पनीको ४ करोड ९ लाख ५१ हजार ७ सय २० कित्ता सेयर खरिद बिक्री हुँदा १९ अर्बमाथिको सेयर कारोबार भएको छ । बिहीबार सबैभन्दा धेरै कारोबार साइन रेसुङ्गा डेभलपमेन्ट बैंक लिमिटेडको भएको छ । यस कम्पनीको एक अर्ब ३ करोड ९३ लाख ४१ हजार ५ सय ४३ रुपैयाँ ६० पैसा बराबरको सेयर कारोबार भएको छ ।

त्यस्तै, आज तारागाउँ रिजेन्सी होटल लिमिटेडका लगानीकर्ताले सबैभन्दा धेरै नाफा कमाएका छन् । यस कम्पनीको सेयर मूल्यमा पोजेटिभ सर्किट लागेको छ । बिहीबारको बजारमा तारागाउँसहित ७ कम्पनीको सेयर मूल्यमा पोजेटिभ सर्किट लागेको छ ।

यता, १०.२५ % एसबिएल डेबेञ्चर २०८३ का लगानीकर्ताले सबैभन्दा धेरै गुमाएका छन् । यस कम्पनीको सेयर मूल्यमा नेगेटिभ सर्किट लागेको हो ।