काठमाडौँ । झापामा नागरिकता लिने भन्दा राहदानी बनाउने धेरै रहेको पाइएको छ । गत आर्थिक वर्ष २०८० ८१ मा नागरिकता लिने भन्दा राहदानी बनाउने धेरै रहेको पाइएको हो ।
जिल्ला प्रशासन कार्यालय झापाको तथ्याङ्कअनुसार गत आर्थिक वर्षमा १८ हजार ८ सय २२ जनाले नागरिकता लिएका छन् ।
तर, सोही अवधिमा जिल्ला प्रशासन कार्यालयबाट २५ हजार ४ सय ५५ जनाले राहदानी बनाएका छन् ।
राहदानी बनाउनेबाट मात्रै जिल्ला प्रशासन कार्यालयले गत आर्थिक वर्षमा १४ करोड ७३ लाख ६७ हजार ७ सय रुपैयाँ राजस्व संकलन गरेको छ ।
