काठमाडौँ । नेपाल आयल निगमले पेट्रोलियम पदार्थको मूल्य घटाएको छ । एक सूचना जारी गर्दै निगमले बिहीबार रातीदेखि लागू हुनेगरि पेट्रोलियम पदार्थको मूल्य घटाएको हो । 

निगमले सार्वजनिक गरेको पेट्रोलियम पदार्थको नयाँ मूल्यसूचीअनुसार पेट्रोलको मूल्य प्रतिलिटर ५ रुपैयाँले घटेको छ । योसँगै पेट्रोलको मूल्य पहिलो वर्ग (चारआली, विराटनगर, जनकपुर, अमलेखगञ्ज, भलबारी, नेपालगञ्ज, धनगढी र वीरगञ्ज)मा १६२ रुपैयाँ ५० पैसा कायम गरिएको छ । 

त्यस्तै, दोस्रो वर्ग (सुर्खेत र दाङ)मा पेट्रोलको मूल्य प्रतिलिटर १६४ रुपैयाँ र तेस्रो वर्ग (काठमाडौँ, पोखरा र दिपायल)मा प्रतिलिटर १६५ रुपैयाँ कायम गरिएको छ । 

पेट्रोलसँगै निगमले डिजेल र मट्टितेलको मूल्य पनि घटाएको छ । नयाँ मूल्यसूचीअनुसार डिजेल र मट्टितेलको मूल्य प्रतिलिटर ३ रुपैयाँले घटाइएको छ । नयाँ मूल्यसूचीअनुसार डिजेल र मट्टितेल मूल्य पहिलो वर्गमा प्रतिलिटर १५२ रुपैयाँ ५० पैसा, दोस्रो वर्गमा प्रतिलिटर १५४ रुपैयाँ र तेस्रो वर्गमा प्रतिलिटर १५५ रुपैयाँ कायम गरिएको छ ।