काठमाडौँ । साताको कारोबारको पहिलो दिन आइतबार सेयर बजारमा करेक्सन देखिएको छ । आइतबार नेप्से परिसूचक ३४.४७ अंकले घटेर २९६६.३६ बिन्दुमा पुगेको हो ।
आज नेप्सेमा ३३० कम्पनी ६ करोड ५४ लाख ७५ हजार ३ सय ६६ कित्ता सेयर खरिद बिक्री हुँदा २८ अर्ब ८३ करोडमाथिको सेयर कारोबार भएको छ ।
आइतबार सबैभन्दा धेरै कारोबार हिमालयन रिइन्स्योरेन्स लिमिटेडको भएको छ । यस कम्पनीको ८२ करोड १४ लाख ८१ हजार १ सय ३५ रुपैयाँ ३० पैसा बराबरको सेयर कारोबार भएको छ ।
यस्तै, आजको बजारमा राष्ट्रिय बीमा कम्पनी लिमिटेडका लगानीकर्ताले सबैभन्दा धेरै नाफा कमाएका छन् । यस कम्पनीको सेयर मूल्यमा पोजेटिभ सर्किट लागेको छ । आइतबार राष्ट्रिय बीमा कम्पनीसहित ४ कम्पनीको सेयर मूल्यमा पोजेटिभ सर्किट लागेको छ ।
यता, नेपाल फाइनान्सका लगानीकर्ताले सबैभन्दा धेरै गुमाएका छन् । यस कम्पनीको सेयर मूल्यमा नेगेटिभ सर्किट लागेको हो ।
