काठमाडौँ । पछिल्लो एक महिनामा सरकारले सेयर बजारबाट ४ अर्ब बढी पूँजीगत लाभकर उठाएको छ ।
सरकारले चालु आर्थिक वर्ष २०८१ ८२ को पहिलो महिना (साउन)मा भएको कुल २२ कारोबार दिनमा कुल ४ अर्ब २३ करोड ७८ लाख ६१ हजार ८ सय २ रुपैयाँ पूँजीगत लाभकर संकलन गरेको हो ।
साउनमा सरकारले उठाएको पूँजीगत लाभकरका आधारमा सेयर बजारबाट सरकारलाई प्रत्येक कारोबार दिनमा १९ करोड २६ लाख रुपैयाँ भन्दा बढी आम्दानी भएको देखिन्छ ।
हाल सेयर बजारबाट एक कारोबार दिनमा १९ करोड बढी आम्दानी गरिरहेको सरकारलाई सेयर बजार अझै बढेको अवस्थामा झनै धेरै आम्दानी हुने देखिएको छ ।
