काठमाडौँ । एक्वा त्रिदेव कम्पनीद्वारा उत्पादित जारको पानीमा कोलिफर्म (दिसाजन्य पदार्थ) भेटिएको छ । कम्पनीले उपभोक्ताका लागि बजारमा पठाएको जारको पानीमा दिसाजन्य पदार्थ भेटिएको हो ।
पानीको गुणस्तर जाँचका लागि काठमाडौँ उपत्यका खानेपानी लिमिटेडको ल्याबमा गरिएको परीक्षणमा उक्त कम्पनीको जारको पानीमा दिसाजन्य पदार्थ भेटिएको महानगरका एक कर्मचारीले पुष्टि गरेका छन् ।
ती कर्मचारीका अनुसार काठमाडौँ महानगरले उपत्यकामा पानीमा शुद्धता कायम गर्नका लागि पानीको गुणस्तर जाँच गर्ने क्रममा कम्पनीको ५ वटा जार परीक्षणका साउन २५ गते ल्याबमा पठाएको थियो । जसको रिपोर्ट मंगलबार आएको थियो । रिपोर्टमा उक्त कम्पनीको जारको पानीमा कोलिफर्म अर्थात दिसाजन्य पदार्थ भेटिएको पाइएको हो ।
यसो त जारको पानीमा कोलिफर्म १ सय हुनुपर्छ । तर, एक्वा त्रिदेवको जारको पानीमा ३ कोलिफर्मको मात्रा ३ सय देखिएको छ । यसको अर्थ कम्पनीले जारको पानी बजारमा पठाउनुअघि प्रशोधन नै नगरी पठाउने गरेको पुष्टि हुने महानगरका ती कर्मचारीले बताएका छन् । पानीको जारमा दिसाजन्य पदार्थ भेटिए पनि उक्त कम्पनीलाई कारबाही हुन भने बाँकी छ ।
