काठमाडौँ । गत बिहीबारदेखिको अविरल वर्षाले निम्त्याएको बाढी र डुबानले देशभर वितण्डा मच्चायो । लगातार तीन दिनदेखिको वर्षापछि देश नै डुबान, बाढी र पहिरोले क्षतविक्षत छ ।
विगतको तुलनामा यसवर्ष अत्याधिक वर्षा हुँदा विपद्जन्य घटनाहरुमा वृद्धि भइरहेका छन् । धेरै मानवीय र भौतिक क्षति पनि नेपालले ब्यहोरिरहेको छ ।
काठमाडौँ उपत्यकामा पनि भारी वर्षापछि बाढी र डुबानले धेरैको ज्यान लियो । बागमती, विष्णुमती, हनुमन्ते, नख्खु, बल्खु खोलाहरूमा ठूलो बाढी आउँदा नागरिकहरुलाई बगायो । धेरैको उद्धार भएपनि केही मानिसहरुको ज्यान गएको छ ।
नदी किनार छेउका बस्ती, पसल, होटल, विद्यालयमा बाढी पसेर जनजीवन अस्तव्यस्त बनेको छ । झरी रोकिएपछि र उर्लिएका खोला केही शान्त भएपछि अहिले नागरिहरु पुनः पुरानै दैनिकीमा फर्कने कोसिस गर्दैछन् । अहिले बाढी प्रभावित क्षेत्रमा नागरिहरु कोही भत्किएका घर बनाउन तरखर गर्दैछन् भने कोही सारा सम्पत्तिसहित बाढीले बगाएका रहरहरु सम्झिएर विक्षिप्त बनेका छन् । बाँकी तस्विरमा हेर्नुहोस्ः
