काठमाडौँ । लगातारको झरिपछि आएको बाढी पहिरो र डुबानबाट देशभर मृत्यु हुनेको संख्या ९९ पुगेको छ ।

विपद्मा परी हालसम्म ९९ जनाको मृत्यु भएको, ७२ जना बेपत्ता र एक सय जना घाइते भएको गृह मन्त्रालयले जनाएको छ ।

गृह मन्त्रालयका अनुसार काठमाडौँ उपत्यकामा मात्रै ४८ जनाको मृत्यु भएको छ । मृत्यु हुनेमा काठमाडौँका २५, भक्तपुरका पाँच र ललितपुरका १८ जना रहेका छन् ।

देशका अधिकांश ठाउँहरुमा झरि पर्ने क्रम नरोकिएको कारण अझै विपद्का घटनाहरु हुने भएकाले आवश्यक सतर्कता अपनाउन पनि गृह मन्त्रालयले आग्रह गरेको छ । नदी किनारमा पानीको बहाब अझै पनि उच्च रहन सक्ने भएकाले आसपासका क्षेत्रमा थप सतर्कता अपनाउने पनि मन्त्रालयले आग्रह गरेको छ ।