काठमाडौँ । चालु आर्थिक वर्षको भदौ महिनामा मात्रै ५७ हजार बढी नेपाली विदेशिएका छन् । वैदेशिक रोजगार विभागको तथ्याङ्क अनुसार भदौमा ५७ हजार ४ सय ९३ नेपाली विदेशिएका हुन् ।
जसमध्ये ५० हजार ७ सय ७० जना पुरुष र ६ हजार ७ सय २३ जना महिला रहेको विभागले जनाएको छ ।
विभागको तथ्याङ्कअनुसार चालु आर्थिक वर्षको साउनमा ६० हजार नेपाली कामको खोजीमा विदेशिएका थिए । भदौ महिनामा विदेश जानेहरुमध्ये अधिकांश नेपाली युएई गएका छन् ।
विभागका अनुसार भदौमा मात्रै नेपालबाट १८ हजार ६ सय ५ जना नेपालीहरु रोजगारीका लागि यूएई गएका छन् भने साउदीमा १० हजार ८ सय ३५, कतारमा ११ हजार २ सय ९१ र कुवेतमा ४ हजार २ सय १५ नेपाली पुगेका छन् । यसअवधिमा मलेसिया जानेको संख्या भने घटेको विभागले जनाएको छ ।
