काठमाडौँ । आजदेखि सर्वसाधारणले धरहरा चढ्न पाउने भएका छन् । संविधान दिवसको अवसरमा काठमाडौँको सुन्धारास्थित नवनिर्मित धरहरा सर्वसाधारणले चढ्न पाउने भएका हुन् ।
तत्कालीन प्रधानमन्त्री केपी शर्मा ओलीले २०७८ वैशाख ११ गते उद्धघाटन गरेको धरहरा आज पुन: उद्धघाटन गरी संचालनमा ल्याईएको हो । तर, धरहरा सर्वाधरणका लागि खुला गरे तापनि धरहराको कतिपय काम नै बाँकी रहेको छ ।
२०७२ मा भत्किएको धरहराको भग्नावशेष सिसामा राख्ने भनिएको भए पनि अझै पनि धरहराको अवशेष टीनको छाना हालेर राखिएको छ । यो आयोजना पुनःनिर्माण प्राधिकरणको समय सीमा भित्र निर्माण हुन नसकेपछि सहरी विकास मन्त्रालयमातहत सहरी विकास तथा भवन निर्माण विभागबाट आयोजना कार्यान्वयन भइरहेको छ ।
हाललाई धरहरा चढ्न शुल्क तिर्नु पर्दैन भने एक दिनमा ५०० जनालाई मात्र चढ्न दिने जनाईएको छ । धरहरा चढ्न अनलाइन बुकिङ गर्नु पर्नेछ भने फरक क्षमाता भएकाहरुलाई दिनको १०० वटा कोटा छुट्याईएको छ । बाँकी तस्विरमा हेर्नुहोस् :
