काठमाडौँ । अमेरिकी केन्द्रिय बैंक फेडरल रिजर्भले ब्याजदर कटौती गरेको छ । फेडरल रिजर्भले चार वर्षपछि ०.५० प्रतिशतले ब्याजदर कटौती गरेको हो ।
५.२५ देखि ५.५० प्रतिशत रहेको ब्याजदर ०.५० प्रतिशतले घटेसँगै ४.७५ देखि ५ प्रतिशतसम्म कायम भएको छ ।
बेरोजगारी दर र मूल्यवृद्धि दुवैमा आशलाग्दो परिणाम देखिन थालेपछि फेडले ब्याजदर कटौतीको निर्णय गरेको हो । ब्याजदर कटौतीले श्रम बजारको मन्दी थप घटाउन मद्दत पुग्ने अन्तराष्ट्रिय संचारमध्यमहरुले जनाएका छन् ।
पछिल्लो एक वर्षमा अमेरिकी बेरोजगार दर ४ बाट बढेर ४.४ प्रतिशत पुगेको छ भने मूल्यवृद्धि २.६ बाट घटेर २.३ प्रतिशतमा झरेको छ । मूल्यवृद्धिलाई २ प्रतिशत सीमामा झार्ने लक्ष्य लिइएको छ ।
