">
काठमाडौँ । नेपाल राष्ट्र बैंकले आइतबारबाट दशैँका लागि सुकिला नोट साट्न सुरु गरेको छ ।
दशैँमा माग हुने साना दरका नोट सटहीको लागि राष्ट्र बैंकको मुद्रा व्यवस्थापन विभाग, बैंकिङ विभाग र प्रदेशस्थित कार्यालयहरू (विराटनगर, जनकपुर, वीरगञ्ज, पोखरा, सिद्धार्थनगर, नेपालगञ्ज र धनगढी) बाट नोट सटही गर्न सकिने छ ।
साथै, इजाजतपत्रप्राप्त बैंक तथा वित्तीय संस्थाका शाखा कार्यालयहरूबाट समेत सुकिलो नोट सटही गर्ने व्यवस्था मिलाइएको राष्ट्र बैंकले जनाएको छ । उक्त स्थानबाट असोज १३ गतेदेखि असोज २२ गतेसम्म सुकिला नोट साट्न सकिने छ ।
सुकिला नोट साट्न सुरु गरेसँगै राष्ट्र बैंकमा नोट साट्नेको भीड बढेको छ । बाँकी तस्वीरमा हेर्नुहोस्:
