">
काठमाडौँ । साताको कारोबारको तेश्रो दिन मंगलबार पनि सेयर बजार मापक नेप्से परिसूचक घटेको छ । आज नेप्से परिसूचक ५८.९३ अंकले घटेर २४७०.३९ बिन्दुमा पुगेको हो ।
नेप्सेमा कुल ३०९ कम्पनीको एक करोड ५५ लाख ४ हजार ९ सय २९ कित्ता सेयर खरिद बिक्री हुँदा ५ अर्ब ६८ करोडमाथिको सेयर कारोबार भएको छ ।
आज सबैभन्दा धेरै कारोबार एनएलजी इन्स्योरेन्स कम्पनी लिमिटेडको भएको छ । यस कम्पनीको १८ करोड ४१ लाख ७६ हजार ७६. ७० कित्ता सेयर खरिद बिक्री भएको छ ।
त्यस्तै, मंगलबारको बजारमा अपर स्याँगे हाइड्रोपावरका लगानीकर्ताले सबैभन्दा धेरै नाफा कमाएका छन् । यस कम्पनीको सेयर मूल्य ७ प्रतिशतभन्दा धेरैले बढेको हो ।
यता, हिमालयन हाइड्रोपावरका लगानीकर्ताले भने सबैभन्दा धेरै गुमाएका छन् । यस कम्पनीको सेयर मूल्यमा नेगेटिभ सर्किट लागेको हो ।
