काठमाडौँ । नेपालीहरुको महान चाड विजया दशमी आउन अब ३ दिन मात्रै बाँकी छ । यसवर्ष असोज २६ गते (शनिबार) दशैँको टिका छ ।
दशैँ मनाउन विदेश गएका फर्किने र शहर पसेकाहरु पनि गाउँ जाने क्रम बढेको छ । जसकारण गाउँ फर्किंदा आफ्ना आमाबुबा, दाजुभाइ, दिदीबहिनी, नातागोतालाई नयाँ कपडा, मिठा खानेकुराहरु किन्न बजारमा उल्लेख्य भीड छ । साथै दशैँका लागि आवश्यक अन्य सामग्रीहरु किन्नका लागि पनि मानिसहरु घर बाहिर निस्किएका छन् ।
केही कार्यालयहरु बन्द भइसकेका छन्, जसकारण पनि घरबार बाहिरि निस्किएर बजार डुल्ने फुर्सद मिलेको छ । त्यसैले काठमाडौँको न्युरोड, असन, बौद्ध, रत्नपार्क लगायत विभिन्न ठाउँमा भीड देख्न सकिन्छ ।
तर, यसपालिको दशैँ बजार अलि बुझ्न गाह्रो छ । यसपालि न्युरोडमा देखिने अधिकांश भीड सेल र खुद्रा पसलमा देखिएका छन् । सपिङ गर्नेहरुले खचाखच भरिएको न्युरोडमा त्यहीँ मलहरु भने सुनसान छन् । अझ यतिसम्म कि किनमेलका लागि ग्राहक नआउँदा मलका व्यापारीहरु दिनभर मोबाइल चलाएर दिन कटाउन बाध्य छन् । तर, त्यहीँ सेल र खुद्रा पसलमा भने व्यापारीहरुलाई भ्याइनभ्याई छ । बाँकी तस्विरमा हेर्नुहोस्ः
