काठमाडौँ । नेपाल वायुसेवा निगम (नेपाल एयरलाइन्स)को न्यारोबडी जहाजले आन्तरिक उडान गर्ने भएको छ । दशैँमा यात्रुको चाप अत्याधिक बढेपछि निगमको न्यारोबडी जहाजले आन्तरिक उडान गर्ने भएको हो । 

एयरलाइन्सले असोज २४ गते फूलपातीका दिन काठमाडौँ-भैरहवा-काठमाडौँ उडान गर्ने भएको जनाएको छ । 

काठमाडौँबाट बाहिर जाने यात्रुको चापलाई ध्यानमा राख्दै एयरलाइन्सले काठमाडौँबाट भैरहवास्थित गौतमबुद्ध अन्तराष्ट्रिय विमानस्थलमा प्रतिव्यक्ति ७ हजार रुपैयाँ भाडामा उडान गर्न लागेको नेपाल एयरलाइन्सले जनाएको छ । 

नेपाल एयरलाइन्सको आरए १७३३ उडान नम्बर रहेको न्यारोबडी जहाज असोज २४ गते बिहान ११ बजे काठमाडौँबाट भैरहवाका लागि उड्नेछ भने उक्त जहाजमा ३० किलोसम्म निःशुल्क लगेज सुविधा रहेको नेवानीले जनाएको छ । नेवानीका अनुसार उक्त जहाज सोही दिन १२ः३० बजे भैरहवाबाट काठमाडौँ फर्किनेछ । भैरहवा-काठमाडौँको भाडा भने नेवानीले ३ हजार ८ सय ९० रुपैयाँ तोकेको छ ।