काठमाडौँ । हिमालपारीको जिल्ला मुस्ताङ आफैँमा सुन्दर, मनमोहक र आकर्षक छ । मुस्ताङ घुमेर फर्किनेहरु मुस्ताङलाई ‘स्वर्गको टुक्रा’ भन्छन् ।
मुस्ताङमा थुप्रै धार्मिक, ऐतिहासिक र पर्यटकीयस्थलहरु छन् । मुस्ताङमा प्रसिद्ध मुक्तिनाथ मन्दिरसहित दामोदरकुण्ड, प्राचीन गुफाहरु, मार्फाको स्याउ बगैंँचा, उपल्लो मुस्ताङ, मुस्ताङ-तिब्बत कोरला नाका र कागबेनी लगायत मनोरम दृश्यावलोकनका लागि ठाउँहरु छन् ।
पछिल्लो समय आन्तरिक तथा बाह्य पर्यटकहरुको आकर्षणको गन्तव्य बनेको ‘यारुजो डाँडा’ पर्यटकीय क्षेत्रका रुपमा चिनिँदै आएको छ । वर्षेनी यहाँ हजारौँको संख्यामा आन्तरिक तथा बाह्य पर्यटकहरु घुमफिरकै लागि पुग्ने गर्छन् ।
अझ मुस्ताङलाई अधिकांशले आफ्नो जीवनकालमा एकपटक घुम्नैपर्ने पर्यटकीय स्थलका रुपमा पनि लिने गरेका छन् । खासगरी हिउँदयाममा यो क्षेत्रमा पर्यटकको भीड लाग्ने गर्दछ । बाँकी फोटो फिचरमा हेर्नुहोस्ः
