काठमाडौँ । ठूलो एकादशी, विशेष गरी हरिबोधनी एकादशीका अवसरमा नदी वारपार तोरण टाग्नुको धार्मिक महत्वलाई गहिरो अर्थमा लिइन्छ ।
परम्परागत रुपमा, हरिबोधनी एकादशीलाई भगवान विष्णुको निन्द्राबाट जागृत हुने दिन मानिन्छ । यो दिन भगवानको पूजाआराधना गरी व्रत बस्नु र यस्ता प्रतीकात्मक क्रियाकलापमा सहभागी हुनुले धार्मिक तथा सांस्कृतिक पक्षलाई सम्मान गर्ने विश्वासलाई प्रतिबिम्बित गर्छ ।
तोरण लगाउनुको अर्थ भगवानको शक्तिमा आश्रित भई सम्पूर्ण दुःखकष्टबाट मुक्ति प्राप्त गर्नु र पापको नास गर्दै पुण्य अर्जन गर्नु हो । तोरणलाई स्वर्गको प्रतीक मानिन्छ, र यसलाई सजाएर नदी वारपार टाँग्दा आत्मिक शुद्धता प्राप्त गर्न सकिने विश्वास रहिआएको छ ।
यही परम्परा र धार्मिक आस्थालाई मानेर पशुपतिनाथमा तोरण टाँग्नेहरुको बिहानैदेखि भीड लागेको छ । बाँकी तस्विरमा हेर्नुहोस्ः
