काठमाडौं । सोमबार किर्तिमानी रुपमा भाउ घटेको सुनको भाउ मंगलबार फेरि घटेको छ । सोमबार १५ हजार ९०० ले घटेको सुनको भाउ मंगलबार थप दुई हजार ६०० ले घटेको छ । यो सँगै सुनको भाउ तोलाको एक लाख ४८ हजार ७ सय रुपैयाँमा पुगेको छ ।
दुई दिनमै तोलामा १८ हजार ५ सय रुपैयाँले घटेको सुनको भाउ अझै घट्न सक्ने व्यवसायीहरुले बताएका छन् । किर्तिमानी घटोत्तरीसँगै थप घटिरहेको सुनको मूल्य अझै घट्ने उनीहरुको दाबी छ । सुनमा लाग्ने भन्सार दर घट्दा सुनको भाउमा किर्तिमानी घटोत्तरी देखिएको हो ।
यता चाँदीको मूल्य पनि २५ रुपैयाँले घटेर प्रतितोला १८२० रुपैयाँमा कारोबार भईरहेको छ । नेपाल सुनचाँदी व्यवसायी महासंघका अनुसार प्रति १० ग्राम छापावाला सुनको मूल्य एक लाख २७ हजार ४ सय ८५ रुपैयाँ र प्रति १० ग्राम चाँदीको मूल्य १५६०.५० रुपैयाँ कायम गरेको छ ।
सुनचाँदीको मूल्य सम्बन्धि दैनिक विवरण अर्थ सरोकार डटकममा ‘अटो अपडेट’ हुन्छ । अर्थ सरोकार ‘सुनचाँदी पेज’ मा सो विवरण हेर्न सकिन्छ ।
