काठमाडौँ । कर्णाली डेभलपमेन्ट बैंक समस्याग्रस्त हुँदा त्यसको सिधा असर नेपाली सेयर बजारमा परेको छ ।
कारोबारको अन्तिम दिन बिहीबार सेयर बजार मापक नेप्से परिसूचक झिनो अंकले बढेको छ । आज नेप्से परिसूचक ४.१९ अंकले बढेर २६३०.७१ बिन्दुमा पुगेको हो ।
नेप्सेमा कुल ३ सय १० कम्पनीको २ करोड ९ लाख ७८ हजार ९ सय ७९ कित्ता सेयर खरिद बिक्री हुँदा ५ अर्ब ३२ करोडमाथिको सेयर कारोबार भएको छ । आज सबैभन्दा धेरै कारोबार प्रभु बैंक लिमिटेडको भएको छ । यस कम्पनीको ५० करोड ७७ लाख ८३ हजार ७ सय ३ रुपैयाँ ९० पैसा बराबरको कारोबार भएको छ ।
त्यस्तै, आजको बजारमा आत्मनिर्भर लघुवित्त वित्तीय संस्थाका लगानीकर्ताले सबैभन्दा धेरै नाफा कमाएका छन् । यस कम्पनीको सेयर मूल्यमा पोजेटिभ सर्किट लागेको हो । बिहीबार आत्मनिर्भर लघुवित्तसहित दुई कम्पनीको सेयर मूल्यमा पोजेटिभ सर्किट लागेको छ ।
यता, कर्पोरेट डेभलपमेन्ट बैंकका लगानीकर्ताले भने सबैभन्दा धेरै गुमाएका छन् । यस कम्पनीको सेयर मूल्यमा नेगेटिभ सर्किट लागेको हो । आज कर्पोरेटसहित तीन कम्पनीको सेयर मूल्यमा नेगेटिभ सर्किट लागेको छ ।
