काठमाडौँ । राजधानीको सुन्धारामा आइतबार सम्पदा संरक्षण समाज नेपालले छायाँदेवी कम्प्लेक्स तत्काल भत्काउन माग गर्दै विरोध प्रदर्शनी गरेका छन् । राणा शाशनको हुकुमी र राजाको निरङ्कुश शाशन कालमा कानुन हातमा लिएर कब्जा गरिएको कमलपोखरी र बगैचामा बनाईएको छायाँदेवी कम्प्लेक्स तत्काल भत्काउन उनीहरुले माग गरेका हुन् ।
प्रदर्शनमा ‘छायाँदेवी कम्प्लेक्स बहिस्कार गरौँ’, ‘कमलपोखरी पुनर्स्थापित गरौँ’, ‘गैरकानुनी मिलापत्र खारेज गर’ लगायतका ब्यानर तथा पम्प्लेटको प्रदर्शन गरिएको थियो ।
छायाँदेवी कम्प्लेक्स (व्यापारिक भवन) निर्माण भएको सार्वजनिक कमलपोखरी र जग्गासमेत २६.५ रोपनी सार्वजनिक र सरकारी नै कायम गर्न गराउन आवश्यक सहयोगको लागि नेपाल बार एशोसियशनलगायत सम्पूर्ण कानुन व्यवसायी अधिवक्ता र वरिष्ठ अधिवक्ताहरूसँग प्रदर्शनीकारीले अनुरोध गरेका छन् । बाँकी तस्विरमा हेर्नुहोस् :
