काठमाडौँ । सेयर लगानीकर्ताहरुले कर्णाली डेभलपमेन्ट बैंकको सेयर कारोबार रोक्का गर्नुको कारण मागेका छन् । धितोपत्र बोर्डका नाममा पत्र लेख्दै लगानीकर्ताले राष्ट्र बैंकले समस्याग्रस्त घोषणा गरेको कर्णालीको सेयर रोक्का गर्नुको कारण मागेका हुन् ।
‘कर्णाली डेभलपमेन्ट बैंक लिमिटेडको धितोपत्र कारोबार स्थगत गर्नको लागि कुन कानूनको आधारमा नेप्सेलाई पत्राचार गरिएको हो ? नेपाल धितोपत्र बोर्डलाई कुन कानूनले दिएको अधिकार प्रयोग गरिएको हो ?’, लगानीकर्ताले बोर्डमा पठाएको पत्रमा उल्लेख छ ।
उक्त पत्र धितोपत्र बोर्डमा सेयर लगानीकर्ता दिपेन भण्डारी, सन्तोष भण्डारी, यादबा थापा र लक्ष्मण महताराले दर्ता गराएका हुन् ।
उनीहरुले संविधानको धारा २७ तथा सूचनाको हक सम्बन्धी ऐन, २०६४ को दफा ७ अनुसार सार्वजनिक सरोकारका विषयमा सूचना माग गरिएको पत्रमा उल्लेख गरेका छन् ।
