काठमाडौँ । आज (सोमबार) बिहानै देखि मौन स्नान गरी सोमबारे औँशी मनाइँदैछ । आजका दिन बिहान उठेर कसैसँग नबोली स्नान गरे मनोकाङ्क्षा पूरा हुने शास्त्रीय मान्यता रहेको छ ।

यसरी मौन स्नान गरेमा दाम्पत्य जीवन सुखमय हुने, अक्षय फल प्राप्त हुने विश्वास रहिआएको छ । औँशी तिथि श्राद्ध, तर्पणका लागि पनि महत्वपूर्ण मानिन्छ । सोमबार औँशी परेका दिन माता, पिता हुने नहुने सबैले बिहान स्नान गर्नु शास्त्रीयरुपमा उचित रहेको जनाइएको छ । प्रत्येक महिनामा आउने औँशीलाई पनि विशेष पर्वका रुपमा मनाउने परम्परा छ । आज बिहानैदेखि गोकर्णेश्वर महादेव मन्दिर क्षेत्रमा मौन स्नान गर्ने तथा श्राद्ध गर्ने भक्तजनको भीड लागेको छ । बाँकी तस्विरमा हेर्नुहोस्ः