काठमाडौँ । सहकारी ठगी प्रकरणमा पूर्वसांसद मिना गुरुङ पक्राउ परेकी छिन् । एमालेबाट गण्डकी प्रदेशको पूर्वसांसद बनिसकेकी गुरुङलाई उनकै निवासबाट प्रहरीले पक्राउ गरेको हो ।
गुरुङ पोखराको सूर्यदर्शन बचत तथा ऋण सहकारी संस्थाको संस्थापक अध्यक्ष हुन् । पछि सहकारी दर्ता भएको एक महिना बित्दानबित्दै सहकारीको अध्यक्षमा ज्ञानबहादुर बामजन आएका थिए भने गुरुङ उपाध्यक्ष बनेकी थिइन् ।
सोही समयमा सहकारीमा बचतकर्ताको १ करोड ५४ लाख रुपैयाँ भन्दा बढी रकम अपचलन भएको गुरुङलाई प्रतिवादी बनाएर जिल्ला अदालत कास्कीमा दायर गरिएको अभियोगपत्रमा उल्लेख छ ।
पक्राउ परेकी गुरुङबाट १ अर्ब ५१ करोड रुपैयाँ असुल गर्न माग गरिएको छ ।
