काठमाडौँ । ३३औँ अन्तराष्ट्रिय अपाङ्गता दिवसका अवसरमा अपाङ्गता भएका बैंकरहरुलाई बिदा दिइएको छ । देशभर अपाङ्गता भएका व्यक्तिहरुले आजको दिन (डिसेम्बर ३) लाई अन्तराष्ट्रिय दिवसका रुपमा मनाइरहँदा नेपालमा बैंक तथा वित्तीय संस्थामा अपाङ्गता भएका बैंकरहरुलाईस बिदा दिइएको हो ।
अपाङ्गता भएका बैंकरहरुलाई बिदा भए पनि बैंक भने खुल्नेछन् । अपाङ्गता भएका व्यक्तिहरु बाहेक अन्य बैंकरहरु नियमित काममा हुनेछन् ।
आज अपाङ्गता भएका व्यक्तिहरूको ३३औँ अन्तर्राष्ट्रिय दिवस आज विभिन्न जनचेतनामूलक कार्यक्रम गरी मनाइँदैछ । सन् १९९२ देखि विश्वभर यो दिवस मनाउन थालिएको हो । संयुक्त राष्ट्रसङ्घले यस वर्षको नारा ‘समावेशी तथा दिगो भविष्यको पूर्वाधार, अपाङ्गता भएका व्यक्तिको प्रबल नेतृत्व यसको आधार’ भन्ने तय गरेको छ ।
नेपालमा पनि ‘समावेशी तथा दिगो भविष्यको पूर्वाधार, अपाङ्गता भएका व्यक्तिहरूको प्रबल नेतृत्व यसको आधार’ भन्ने राष्ट्रिय नारासहित देशभरका विभिन्न सरकारी तथा गैरसरकारी सरोकार भएका निकायले जनचेतनामूलक कार्यक्रम गरी यो मनाउँदैछन् । दिवसका सन्दर्भमा यसैबमोजिम अन्तर्राष्ट्रिय र राष्ट्रिय नाराको प्रयोग गर्न/गराउन सरकारले आह्वान गरेको छ ।
