काठमाडौँ । गरिमा म्युचूअल फण्ड अन्तर्गत पहिलो बन्दमुखी योजनाको रूपमा एक अर्ब बराबरको ‘गरिमा समृद्धि योजना’ निष्काशन गरिएको छ । नेपाल धितोपत्र बोर्डको स्वीकृति बमोजिम आइतबारबाट उक्त योजनाको सार्वजनिक रूपमा निष्काशन गरिएको हो ।
यो बन्दमुखी योजना हो । यसको आकार एक अर्ब रुपैयाँ रहेको छ । प्रति इकाई मूल्य १० रुपैयाँ रहेको छ । कुल निष्काशन मध्ये न्युनतम बिक्री हुनुपर्ने इकाई सङ्ख्या पाँच करोड हो भने अधिकतम सकारिने इकाई सङ्ख्या १२ करोड पचास लाख रुपैयाँ रहेको छ ।
योजनाको अवधि १० वर्षको रहेको छ । इच्छुक व्यक्तिले यहि पुस २१ गतेसम्म आवेदन दिन सक्नेछन् ।
इकाई खरिदका लागि लगानीकर्ताहरूले मेरोसेयर तथा सीआस्बा हुने सम्पूर्ण बैंक तथा वित्तीय संस्थाहरू मार्फत आवेदन दिन सकिनेछ ।
यो योजना १० वर्षमा परिपक्व हुने जनाईएको छ ।
