काठमाडौँ । हिमालयन रि इन्स्योरेन्सका प्रमुख कार्यकारी अधिकृत (सीईओ) उपासना पौडेलविरुद्ध अख्तियारमा उजुरी परेको छ । तत्कालीन युनाइटेड इन्स्योरेन्सको सीईओ छँदा ८० लाख हिनामिना गरेको आरोपमा पौडेलविरुद्ध अख्तियारमा उजुरी परेको हो ।
पौडेलले युनाइटेडमा हुँदा कर्मचारीको नाममा एडभान्स बापत ८० लाख रुपैयाँ लिएर हिनामिना गरेको उजुरीमा उल्लेख गरिएको छ ।
उक्त विषयमा तत्कालीन बीमा समिति (हालको बीमा प्राधिकरण) ले पनि कम्पनीमा ८० लाख रुपैयाँ हिनामिना भएको निष्कर्ष निकाल्दै उक्त रकम सम्बन्धित कर्मचारीबाट असुल गरी आवश्यक कारवाही गर्न पत्राचारसमेत गरेको थियो ।
हाल पौडेल हिमालयन रि इन्स्योरेन्समा सीईओ छिन् । उनी २०८० असोज गते कम्पनीको सीईओमा नियुक्त भएकी थिइन् ।
