काठमाडौँ । पोखराको सूर्यदर्शन सहकारी ठगी प्रकरणमा पक्राउ परेका पूर्वडिआईजी छविलाल जोशीलाई पनि धरौटीमा छोड्न अदालतले आदेश दिएको छ ।
कास्की जिल्ला अदालतका न्यायाधीश नीतिज राईको इजलाशले जोशीलाई ८८ लाख धरौटीमा छोड्न आदेश दिएको हो ।
सोही प्रकरणमा अदालतले पूर्वगृहमन्त्री एवम् राष्ट्रिय स्वतन्त्र पार्टी (रास्वपा)का सभापति रवि लामिछानेलाई धरौटीमा छोड्न आदेश दिएको छ । बिहीबार कास्की जिल्ला अदालतले रविलाई ६५ लाख धरौटीमा छोड्न आदेश दिएको हो ।
योसँगै अब अदालतले तोकेको धरौटी तिरेर रवि लामिछाने र छविलाल जोशी थुनामुक्त हुनेछन् भने उनीहरु दुवैजनाले तारेखमा रहेर मुद्दाको पुर्पक्ष गर्नेछन् ।
