काठमाडौँ । भारतको उत्तर प्रदेशस्थित प्रयागराजमा यतिबेला महाकुम्भ मेला चलिरहेको छ । १४४ वर्षपछि लागेको यस महाकुम्भ मेलामा महास्नानका लागि देश तथा विदेशबाट दैनिक लाखौंको सङ्ख्यामा तीर्थालुहरू पुगेका छन् ।
हालसम्मको तथ्यांकअनुसार प्रयागराजको त्रिवेणी सङ्गममा ५० करोड भन्दा बढी तीर्थालुहरूले पवित्र स्नान गरिसकेका छन् । साथै, मेलामा साधुसन्त, तपस्वीहरू तथा अन्य धर्मावलम्बीहरूको उपस्थिति रहेको छ ।
महाकुम्भ मेला विश्वकै सबैभन्दा ठूलो मेला भएकाले पनि त्यहाँ भक्तजनको सङ्ख्या दिनप्रतिदिन बढ्दै गएको छ । मेलामा व्यापारीहरूले पूजाका सामाग्रीहरू, लत्ता कपडा, खेलकुदका सामाग्रीहरू तथा खानेकुराको पनि ठेला राखेर व्यापार गर्दै आइरहेका छन् । बाँकी फोटो फिचरमा हेर्नुहोस्ः
