काठमाडौँ । साताको कारोबारको दोश्रो दिन सोमबार सेयर बजार मापक नेप्से परिसूचक घटेको छ । आज नेप्से परिसूचक १०.९८ अंकले घटेर २६७७.३२ बिन्दुमा पुगेको हो ।
नेप्सेमा कुल ३ सय २२ कम्पनीको एक करोड ४४ लाख ४३ हजार ७ सय ६५ कित्ता सेयर खरिद बिक्री हुँदा ६ अर्ब ९६ करोडमाथिको सेयर कारोबार भएको छ । आज सबैभन्दा धेरै कारोबार नेपाल रिपब्लिक मिडिया लिमिटेडको भएको छ । यस कम्पनीको २४ करोड ४४ लाख ७८ हजार ९९ रुपैयाँ ९० पैसा बराबरको कारोबार भएको छ ।
त्यस्तै, सोमबारको बजारमा न्यादी हाइड्रोपावरका लगानीकर्ताले सबैभन्दा धेरै नाफा कमाएका छन् । यस कम्पनीको सेयर मूल्यमा पोजेटिभ सर्किट लागेको हो ।
यता, बोटलर्स नेपाल (बालाजु) लिमिटेडका लगानीकर्ताले सबैभन्दा धेरै गुमाएका छन् । यस कम्पनीको सेयर मूल्यमा नेगेटिभ सर्किट लागेको हो । आजको बजारमा बोटलर्स नेपाल बालाजुसहित दुई कम्पनीको सेयर मूल्यमा नेगेटिभ सर्किट लागेको छ ।
