काठमाडौँ । नेपाल स्टक एक्सचेञ्ज (नेप्से)को प्रमुख कार्यकारी अधिकृत (सिइओ)का लागि आवेदन दिएका पाँच जनाको नाम ‘सर्ट लिस्ट’मा परेको छ । सिइओ छनौट समितले ‘सर्ट लिस्ट’मा परेका पाँच जना उम्मेदवारको नाम सार्वजनिक गरेको हो । 

‘सर्ट लिस्ट’मा पर्नेहरुमा चुडामणि चापागाईं, नारद कुमार लुइँटेल, पूर्णप्रसाद आचार्य, बद्रीप्रसाद प्याकुरेल र हेमन्त बस्याल रहेका छन् ।

नेप्सेको सिइओका लागि आवेदन दिएका नेप्सेकै सिइओ कृष्णबहादुर कार्की, युवराज दाहाल, प्रविण अधिकारी, बिमल कुमार तिवारी र मुकुन्दराज जोशी भने ‘सर्ट लिस्ट’मा परेनन् । 

‘सर्ट लिस्ट’मा परेकाहरुको व्यवसायिक कार्ययोजना प्रस्तुतीकरण र अन्तर्वार्ता चैत ६ गते (बुधबार) अर्थ मन्त्रालयमा हुनेछ । कार्ययोजना प्रस्तुतीकरण र अन्तर्वार्तापछि सिइओ सिफारिसका लागि समितिले सिफारिस गर्नेछ । समितिको सिफारिसको आधारमा मन्त्रिपरिषद् बैठकले एक जनालाई नेप्सेको सिइओ नियुक्त गर्नेछ ।