×

Live on

रेडियो अर्थ सरोकार

Listen to live radio.

कुलमानलाई लक्षित गर्दै उर्जामन्त्रीले भने- ‘प्रचारबाजी गरेर पुनस्थापित हुन खोज्नेलाई सरकारले लगाम लगाउँछ’ 

LAXMI SUNRISE BANK
GLOBAL IME BANK
DISH HOME NETWORK

कुलमानलाई लक्षित गर्दै उर्जामन्त्रीले भने- ‘प्रचारबाजी गरेर पुनस्थापित हुन खोज्नेलाई सरकारले लगाम लगाउँछ’ 

Artha Sarokar

१४ चैत्र २०८१, बिहीबार

पढ्न लाग्ने समय: १ मिनेटभन्दा कम

काठमाडौँ । उर्जा, जलस्रोत तथा सिँचाइमन्त्री दीपक खड्काले प्रचारबाजी गरेर स्थापित हुन खोज्ने कर्मचारीलाई सरकारले लगाम लगाउने अभिव्यक्ति दिएका छन् । बिहीबार काठमाडौँमा आयोजित एक कार्यक्रममा बोल्दै मन्त्री खड्काले यस्तो बताएका हुन् । 

कुलमान घिसिङलाई लक्षित गर्दै उनले अहिले कर्मचारीहरुबीच काम गरेर भन्दा प्रचारबाजी गरेर स्थापित हुन खोज्ने होडबाजी चलिरहेको बताएका छन् । 

उनले कानून र संविधानभन्दा माथि गएर आफूलाई स्थापित गर्न खोजेको खण्डमा सरकारले त्यस्ता कर्मचारीलाई लगाम लगाएर ठिक ठाउँमा ल्याउने चेतावनी दिएका छन् । ‘काम गरेर स्थापित हुने कोसिस गरौँ ।’, उनले भने, ‘त्यसो भएन भने सरकारले लगाम लगाएर ठिक ठाउँमा राख्छ ।’ 

त्यस्तै, उर्जामन्त्री खड्काले सन् २०३५ भित्र जडित क्षमता २८ हजार ५ सय मेगावाट र प्रतिव्यक्ति विद्युत खपत १ हजार ५ सय युनिट प्रतिवर्ष पुर्याउने लक्ष्य रहेको बताएका छन् । उनले आगामी दुई वर्षभित्र मुलुकका शतप्रतिशत घरधुरीमा विद्युत पहुँच पुर्याउने लक्ष्यसहित सरकार अघि बढेको पनि बताएका छन् । उनले गरिब र विपन्न वर्गले महसुल तिर्न नसकेकै कारण विद्युतको पहुँचबाट वञ्चित हुन नपरोस् भन्नको लागि प्रतिमहिना ५० प्रतिशत छुट दिने व्यवस्था गरिएको समेत उल्लेख गरेका छन् ।

CITIZEN LIFE INSURANCE
TESLA AIR CONDITIONER
Hamro Parto AD
KAMANA SEWA BIKAS BANK
NMB BANK

प्रतिक्रिया दिनुहोस्

एक्स्क्लुसिभ स्टोरी