काठमाडौँ । ग्लोबल आइएमई बैंकको खुद नाफा बढेको छ । बैंकले प्रकाशित गरेको चालु आर्थिक वर्षको तेस्रो त्रैमाससम्मको अपरिस्कृत वित्तीय विवरण अनुसार बैंकको खुद नफा ३७.१२ प्रतिशतले बढेको हो । चालु आर्थिक वर्षको चैत मसान्तसम्म बैंककाले कुल ४ अर्ब ५३ करोड ४० लाख रुपैयाँ खुद नाफा कमाएको छ । जबकी बैंकले गत आर्थिक वर्षको सोही अवधिमा ३ अर्ब ३० करोड रुपैयाँ खुद नाफा कमाएका थियो ।
यस अवधिमा बैंकको खुद ब्याज आम्दानी ५.४६ प्रतिशतले घटेको छ भने खुद फि तथा कमिशन आम्दानी १७.३० प्रतिशतले बढेको छ । चैत मसान्तसम्म बैंकको सञ्चालन आम्दानी ०.६१ प्रतिशतले घटेको छ भने सञ्चालन मुनाफा भने ३४.४१ प्रतिशतले बढेको छ ।
समीक्षा अवधिमा बैंकको इम्पेयरमेन्ट चार्ज ५ अर्ब २६ करोडबाट घटेर ३ अर्ब ११ करोडमा झरेको छ । बैंकको खुद ब्याज अम्दानी घटे पनि इम्पेयरमेन्ट चार्ज घटेकै कारण चालु आर्थिक वर्षको तेस्रो त्रैमासमा बैंकको खुद नाफा बढेको हो ।
बैंकले प्रकाशित गरेको वित्तीय विवरण अनुसार चैत मसान्तसम्म बैंकको नाफासँगै प्रतिसेयर आम्दानी (ईपीएस) पनि बढेको छ । यस अवधिमा बैंकको प्रतिसेयर आम्दानी ३ रुपैयाँ ६६ पैसा बढेर १५ रुपैयाँ ८६ पैसा पुगेको छ । त्यस्तै, बैंकको वितरणयोग्य आम्दानी ३ अर्ब ५४ करोड रुपैयाँ रहेको छ भने वितरणयोग्य प्रतिसेयर आम्दानी १२ रुपैयाँ ४ पैसा रहेको छ । समीक्षा अवधिमा बैंकको मूल्य आम्दानी अनुपात १३.७९ गुणा रहेको छ भने प्रतिशेयर नेटवर्थ १७३ रुपैयाँ ४७ पैसा रहेको छ ।
