काठमाडौँ । विदेशी लगानीकर्तालेभारत को सेयरबजार मा १८६२० करोडको लगानी गरेका छन् । भारतको अर्थतन्त्रप्रति विश्वव्यापी लगानीकर्ताहरूको विश्वास पुनः मजबुत हुँदै गएको संकेत गर्दै, मे २०२५ मा विदेशी पोर्टफोलियो लगानीकर्ताहरूले (FPI) भारतीय शेयर बजारमा ₹१८,६२० करोडको उल्लेखनीय लगानी गरेकाहुन् । अप्रिल महिनामा मात्र भारतीय रुपैयाँ ४ हजार २ सय २५ करोडको लगानी भारतीय सेयर बजारमा बिदेशीहरुले गरेको देखिएको छ ।
भारतको स्थिर आर्थिक नीति, सुधारमुखी बजेट र आगामी निर्वाचनहरूमा सम्भावित स्थायित्वका कारण लगानीकर्ताहरू पुनः भारतीय बजारप्रति आकर्षित भएको विश्लेषकहरुको भनाई छ । ग्लोबल अनिश्चितता केही घट्दै जाँदा र अमेरिकी फेडरल रिजर्भले ब्याजदर स्थिर राख्ने संकेत दिएपछि भारतजस्ता विकासशील बजार फेरि प्राथमिकता सूचीमा परेको तर्क विश्लेषकहरुको छ। भारतमा सूचना प्रविधि, बैंकिङ, उपभोग्य वस्तु र ऊर्जा क्षेत्रहरूमा पनि विदेशी लगानी उल्लेखनीय रूपमा बढेको छ ।
यसले भारतीय बजारको दीर्घकालीन सम्भावनामा बढ्दो विश्वास झल्काउने जानकारहरु बताउँछन् । भारतीय अर्थतन्त्रको संरचनात्मक मजबुति, उद्यमशीलता प्रवर्द्धन गर्ने नीति, र विदेशी लगानीमैत्री वातावरणले भारतलाई विश्वव्यापी लगानीको गन्तव्यको रूपमा अझ बलियो बनाइरहेको छ। यदि यही प्रवृत्ति कायम रह्यो भने, निकट भविष्यमा भारतको आर्थिक वृद्धिदर थप तीव्र हुने विश्वास गरिएको छ ।
