आइतबार बेलुकी चालु आर्थिक वर्ष २०८१/८२ को मौद्रिक नीतिको तेस्रो त्रैमासिक समीक्षामार्फत ५० लाखभन्दा माथिको सेयर धितो कर्जामा हाल रहेको १२५ को जोखिम भारलाई घटाएर १०० बनाउनेगरी निर्णय भएको हो । ५० लाख रुपैयाँसम्मको सेयर धितो कर्जामा भने यसअघि नै जोखिम भार घटाएर १०० प्रतिशत बनाइएको थियो ।

यसअघि राष्ट्र बैंकका तत्कालीन गभर्नर महाप्रसाद अधिकारीले २०७८ मा मार्जिन प्रकृतिको सेयर धितो कर्जाको जोखिम भार बढाएर १५० प्रतिशत पुर्याएको थियो । नयाँ गभर्नरले महाप्रसाद अधिकारीले गरेका बजारविरोधी निर्णयहरु एक एक गरी सच्याउने अभियान नै सुरु गर्न लागेको राष्ट्र बैंकका अधिकारीहरु बताउँछन् ।