काठमाडौँ । पूर्वउपप्रधानमन्त्री एवम् जनता समाजवादी पार्टीका अध्यक्ष उपेन्द्र यादवले १/२ प्रतिशत घरनाहरुले प्राइभेट बैंक कब्जा गरेको बताएका छन् । अर्थ समितिको शुक्रबारको छलफलमा बोल्दै उनले यस्तो बताएका हुन् ।
उनले तिनै घरनाहरुले मुलुकको इकोनोमीलाई बैंकिङमार्फत नियन्त्रण गरेको बताएका छन् ।
सरकारीतर्फको कृषि विकास बैंकमाथि पनि उनले प्रश्न उठाएका छन् । कृषि विकास बैंक बेकारको बैंक भएको समेत बताएका छन् । जनतालाई बैंकिङ सुविधा राम्रोसँग पुर्याउन नसक्दा मिटरब्याजीहरु हावी भएको बताएका छन् ।
‘१/२ प्रतिशत घरनाहरुको प्राइभेट बैंकहरु कब्जा गरेका छन । तिनै घरनाहरुले मुलुकको इकोनोमीलाई बैंकिङ थ्रु नियन्त्रण गरिरहेका छन् । सरकारी भनिने कृषि विकास बैंकको के कुरा गर्ने त्यो बैंक कृषि बेकार बैंक भएको छ । त्यो अर्को साहु भएको छ ।’, उनले भने, ‘बैकिङ सिस्टम जनताका लागि फेलियर भएर जनता मिटर ब्याजीहरुको पछि लाग्नुपरेको छ । जनतालाई बैंकिङ सुविधा राम्रोसँग पु¥याउने हो भने मिटरब्याजी किन चाहिन्थ्यो ?’
