काठमाडौँ । अबदेखि कारोबार व्यवस्थापन प्रणाली (टिएमएस) खाता खोल्दा राष्ट्रिय परिचयपत्र चाहिने भएको छ । नेपाल स्टक एक्सचेञ्ज (नेप्से)ले एक सूचना जारी गर्दै टिएमएस खाता खोल्दा राष्ट्रिय परिचयपत्र अनिवार्य चाहिने जनाएको छ ।
योसँगै अब टिएमएस खाता खोल्दा भरिने ग्राहक पहिचान (केवाईसी) विवरणमा राष्ट्रिय परिचय पत्र वा राष्ट्रिय परिचय पत्र नम्बर अनिवार्य रुपमा प्रविष्ट गर्नुपर्नेछ ।
राष्ट्रिय परिचयपत्रका आधारमा ग्राहक पहिचान र सम्पुष्टि गर्ने व्यवस्थाको कार्यान्वयन तथा केवाईसीलाई राष्ट्रिय परिचयपत्रसँग आबद्ध गर्नुका साथै सोको विवरण विद्युतीय माध्यमबाट प्राप्त गर्न सक्ने व्यवस्थाका लागि नेपाल धितोपत्र बोर्डबाट निर्देशन प्राप्त भएको नेप्सेले जानकारी दिएको छ ।
त्यस्तै, आफ्नो छुट्टै टिएमएस प्रयोग गरिरहेका ब्रोकर कम्पनीहरुलाई पनि टिएमएस खाता खोल्दा ग्राहकको राष्ट्रिय परिचयपत्र अनिवार्य गर्न नेप्सेले आग्रह गरेको छ ।
