काठमाडौँ । साताको कारोबारको दोश्रो दिन सोमबार सेयर बजार मापक नेप्से परिसूचक घटेको छ । सोमबार नेप्से परिसूचक २७.९० अंकले घटेर २८२२.४६ बिन्दुमा पुगेको हो ।
नेप्सेमा कुल ३२४ कम्पनीको २ करोड ५० लाख ९२ हजार ४९० कित्ता सेयर खरिद बिक्री हुँदा रू. १० अर्ब २१ करोडमाथिको सेयर कारोबार भएको छ । आज सबैभन्दा धेरै कारोबार शिवम् सिमेन्ट्स लिमिटेडको भएको छ । यस कम्पनीको ५३ करोड ८८ लाख रुपैयाँ बराबरको कारोबार भएको छ ।
सोमबारको बजारमा रिभर फल्स पावर लिमिटेडका लगानीकर्ताले सबैभन्दा धेरै नाफा कमाएका छन् । यस कम्पनीको सेयर मूल्य ९ प्रतिशतभन्दा धेरैले बढेको छ ।
यता, उन्नति सहकार्य लघुवित्त वित्तीय संस्था लिमिटेडका लगानीकर्ताले सबैभन्दा धेरै गुमाएका छन् । यस कम्पनीको सेयर मूल्य ७ प्रतिशतभन्दा धेरैले घटेको छ ।
