काठमाडौँ । साताको कारोबारको चोथो दिन बुधबार सेयर बजार मापक नेप्से परिसूचक बढेको छ । बुधबार नेप्से परिसूचक ५३.०१ अंकले बढेर २८१९.१० बिन्दुमा पुगेको हो ।
नेप्सेमा कुल ३२१ कम्पनीको १ करोड ४९ लाख ८६ हजार १४२ कित्ता सेयर खरिद बिक्री हुँदा रू. ७ अर्ब ६८ करोडमाथिको सेयर कारोबार भएको छ । आज सबैभन्दा धेरै कारोबार हिमालयन रिइन्स्योरेन्स लिमिटेडको भएको छ । यस कम्पनीको ६५ करोड ४२ लाख रुपैयाँ बराबरको कारोबार भएको छ ।
आजको बजारमा विकास हाइड्रोपावर कम्पनीका लगानीकर्ताले सबैभन्दा धेरै नाफा कमाएका छन् । यस कम्पनीको सेयर मूल्यमा पोजेटिभ सर्किट लागेको छ ।
यता, १०. २५% केबिएल डिबेन्चर २०८६का लगानीकर्ताले भने सबैभन्दा धेरै गुमाएका छन् । यस कम्पनीको सेयर मूल्य ५ प्रतिशतभन्दा धेरैले घटेको हो ।
